नागेश्वराच्या पावन भूमीत सालाबाद प्रमाणे कै.विष्णू (उस्ताद) काशीद बाबा यांच्या स्मरणार्थ भव्य कुस्तीचे आयोजन करण्यात आले होते. कुस्ती मैदानामध्ये शेवटची मानाची कुस्ती पै.सतपाल सोनटक्के (शिवनेरी अकलूज) विरुद्ध पै. कालीचरण सोलनकर (गंगावेस कोल्हापूर) यांच्यामध्ये मानाच्या गदेसाठी अंतिम कुस्ती झाली. या अटीतटीच्या कुस्तीमध्ये पै.कालीचरण सोनवलकर यांनी मानाची गदा पटकावली.
जामखेडचे ग्रामदैवत श्री नागेश्वर यात्रा निमित्ताने कै.विष्णू (उस्ताद) काशीद बाबा यांच्या स्मरणार्थ बुधवारी (ता.३०) जामखेड महाविद्यालयात कुस्तीचे आयोजन करण्यात आले होते.
ॲड अजय काशीद आणि काशीद कुटुंबाच्या वतीने या कुस्ती मैदानाचे यशस्वीरित्या आयोजन केले जाते. ही जामखेडकरांसाठी आनंदाची बाब आहे.या कुस्ती मैदानामध्ये यापूर्वी ही नावाजलेल्या मल्लांच्या कुस्त्या झालेले आहेत.अजय काशीद हे ग्रामीण भागातील मल्लांना हे व्यासपीठ उपलब्ध करून देण्याचे चांगले काम दरवर्षी करतात. असे मत विधान परिषद सभापती प्रा राम शिंदे यांनी व्यक्त केले. 
नावाजलेले पै.भैया धुमाळ (अकलूज) विरुद्ध पै.फैयाज हुसेन (इंदोर) यांच्यामध्ये अटीतटीच्या कुस्तीत पै.भैय्या धुमाळ विजयी झाला. व चुरशीच्या कुस्त्या झाल्या. यासोबतच परिसरातील नावाजलेल्या पैलवानांच्या कुस्त्या या ठिकाणी कुस्ती शौकिनांना पाहायला मिळाल्या.
प्रमुख अतिथी म्हणून ह.भ.प.महादेवानंद भारती महाराज (अश्वलिंग संस्थान पिंपळवंडी) , श्री श्री 1008 महामंडलेश्वर नितीन दासजी महाराज, दिलीप जगताप (राष्ट्रीय अध्यक्ष अखिल भारतीय मराठा महासंघ) जेष्ठ नेते मधुकर राळेभात, दत्तात्रय वारे, रवींद्र सुरवसे कृषी उत्पन्न बाजार समितीचे सभापती शरद कार्ले , गौतम (अण्णा) उत्तेकर, बापूराव ढवळे,संजय काशिद , सचिन घुमरे, गणेश जगताप,विष्णू भोंडवे, महारुद्र महारणवर,विनोद उगले,सुभाष काळदाते,केशव वणवे, कांतिलाल वराट, काकासाहेब चव्हाण, आप्पा मुरूमकर ,तसेच विविध पक्षाचे पदाधिकारी देखील मोठ्या संख्येने उपस्थित होते.
चौकट :-
अजय काशीद भाजपा पक्ष संघटनेमध्ये महत्त्वाची पदे यशस्वीपणे सांभाळत,आपल्या नेतृत्वाची चुणूक पक्षश्रेष्ठींना दाखवली आहे. समाजकार्याची विविध कामे ते आवडीने करत असतात. आदर्श गाव सारोळ्याचे सलग दुसऱ्यांदा बिनविरोध सरपंच म्हणून ते चांगले काम पाहत आहेत. त्यांच्या नेतृत्वाखाली सारोळा शाळेने मुख्यमंत्री सुंदर शाळा स्पर्धेमध्ये मागील सलग दोन वर्ष अहिल्यानगर जिल्ह्यात सर्व द्वितीय क्रमांक मिळवत पाच लाखाचे बक्षीस मिळवले आहे. आषाढी एकादशीनिमित्त अश्वलिंग संस्थान पिंपळवंडी तसेच पुण्यश्लोक अहिल्यादेवी होळकर दिंडी इंदोर या दोन्ही दिंड्यांचे यजमान म्हणून पाहुणचाराचे काम दरवर्षी मनोभावे करून धर्म जोपासना पण करण्यात ते आघाडीवर असतात. गेल्या २३ वर्षापासून वडील स्व. विष्णू उस्ताद काशीद (बाबा) यांच्या स्मरणार्थ भव्य कुस्ती मैदानाचे यशस्वी यशस्वीपणे आयोजन करण्यात ते आणि त्यांचा मित्रपरिवार आघाडीवर असतो.
