पुण्यश्लोक अहिल्यादेवी होळकर सहकारी सूत गिरणीचे व रस्त्याचे मुख्यमंत्री देवेंद्र फडणवीस यांच्या हस्ते भूमिपूजन 

पुण्यश्लोक अहिल्यादेवी होळकर सहकारी सूत गिरणीचे व रस्त्याचे मुख्यमंत्री देवेंद्र फडणवीस यांच्या हस्ते भूमिपूजन

सूत गिरणीमुळे  थेट कापूस उत्पादक शेतकऱयांना याचा लाभ होईल -मुख्यामंत्री देवेंद्र फडणवीस

जामखेड प्रतिनिधी,

पुण्यश्लोक अहिल्यादेवी होळकर सहकारी सूतगिरणीमुळे कर्जत-जामखेड परिसरातरोजगारनिर्मितीला मोठी चालना मिळणार आहे. चौंडी शिवारात उभारण्यात येत असलेल्या या सूतगिरणीसाठी ९१ कोटी रुपये इतक्या निधीची तरतूद करण्यात आलीआहे. या सुतगिरणीमुळे कापूस उत्पादक शेतकऱ्यांना थेट लाभ होणार आहे, असे प्रतिपादन मुख्यमंत्री देवेंद्र फडणवीस यांनी केले.

मुख्यमंत्री देवेंद्र फडणवीस यांच्या हस्ते निमगांव डाकू येथील पुण्यश्लोक अहिल्यादेवी होळकर सहकारी सूतगिरणी व मुख्यमंत्री ग्रामसडक योजनेंतर्गत चौंडी ते निमगाव डाकू रस्त्याचे भूमिपूजन करण्यात आले. यावेळी उपमुख्यमंत्री एकनाथ शिंदे, उपमुख्यमंत्रीअजित पवार, विधानपरिषदेचे सभापती राम शिंदे, महसूलमंत्री चंद्रशेखर बावनकुळे,जलसंपदा मंत्री व जिल्ह्याचे पालकमंत्री राधाकृष्ण विखे पाटील, सामाजिक न्याय मंत्री संजय शिरसाट, मागासवर्गीय बहुजनकल्याण मंत्री अतुल सावे, वस्त्रोद्योग मंत्रीसंजय सावकारे, रोजगार हमी योजना मंत्रीभरत गोगावले आदी मान्यवर उपस्थित होते.

मुख्यमंत्री ग्रामसडक योजनेतर्गत चौडी निमगाव डाकू दरम्यानचा 2.700 किलोमीटर लांबीचा रस्ता सकरण्यात येणार आहे या कामासाठी राज्य शासनाने 3 कोटी 94 लाख रुपयांचा खर्चास मान्यता दिली असून हे काम महाराष्ट्र रस्ते विकास महामंडळाच्या माध्यमातून हाती घेण्यात येणार आहे.

पुण्यश्लोक अहिल्यादेवी होळकर सूतगिरणी याच रस्त्यावर असल्याने 5.50 मीटर रुंद डांबरी रस्ता प्रस्तावित करण्यात आला आहे पाच वर्षासाठी देखभाल व दुरुस्थी खर्चासाठी आवश्यक निधीची तरतूद करण्यात आली आहे