Featured News
Health
मोहा घाटात चालत्या चारचाकी वाहनाने घेतला पेट, गाडी जागीच जळुन खाक
मोहा घाटात चालत्या चारचाकी वाहनाने घेतला पेट, गाडी जागीच जळुन खाक
जामखेड प्रतिनिधी
बीड वरुन जामखेड मार्गे नगरकडे जाणार्‍या चालत्या चारचाकी वहाणाने जामखेड सौताडा रोडवरील मोहा शिवारात अचानक पेट घेतला. घटनास्थळी पोलिसांच्या मदतीने नगरपरिषदेच्या अग्नीशमन गाडीने आग विझवण्यात आली मात्र तोपर्यंत सर्व गाडी जळुन खाक झाली होती.
याबाबत पोलीसांन कडुन मिळालेली माहिती अशी की शनिवार दि 7 डिसेंबर रोजी वहानचालक जयदीप संपतराव सुरवसे रा. बीड. गाडी क्रमांक एम. एच 46 एक्स 2268 या चारचाकी वहानातुन आपल्या कामानिमित्त बीड वरुन नगरकडे रत्नागिरी या ठिकाणी चालले होते. यावेळी रात्री नऊ वाजण्याच्या सुमारास त्यांची गाडी जामखेड सौताडा रोडवरील मोहा शिवारातुन चालली होती.
यावेळी समोरुन येणाऱ्या एका ट्रॅक्टर चालकास या गाडीच्या बोनेटच्या बाजुने जाळ निघत आल्याचे लक्षात आले. त्याने ही माहिती आत बसलेल्या चालक जयदीप सुरवसे यांच्या लक्षात आणून दिली. यानंतर सुरवसे हे तातडीने गाडीतुन खाली उतरले त्यामुळे कोणतीही जीवितहानी झाली नाही. मात्र गाडीतील डीझेल मुळे या गाडीने मोठ्या प्रमाणात पेट घेतला. ही घटना जामखेड पोलीस स्टेशनला समजताच पो. कॉ. प्रविण इंगळे पळसे देवा, ज्ञानेश्वर बेलेकर पो. ना. सरोदे, मांडगे, घोळवे यांच्या पथकाने घटनास्थळी धाव घेतली. पोलिसांच्या मदतीने नगरपरिषदेच्या अग्नीशमन गाडीने आग आटोक्यात आणली मात्र तोपर्यंत पुर्ण गाडी जळुन खाक झाली. यानंतर जामखेड सौताडा रोडवर मोठ्या प्रमाणात ट्रॉफीक जाम झाले होते. घटनास्थळी मोहा येथिल माजी सरपंच शिवाजी डोंगरे व ग्रामस्थांनी पोलिसांना वाहतूक सुरळीत करण्यास मदत केली.
चौकट
गाडी चालक जयदीप सुरवसे यांनी सदरची गाडी तीन महिन्यांपूर्वीच विकत घेतली होती. 2013 सालची ही गाडी आहे. ते आपल्या कामा निमित्त एकटेच रत्नागिरी या ठिकाणी चालले होते. सदरची आग गाडीतील वायरींगच्या शॉर्टसर्किटमुळे लागली असल्याची शक्यता वर्तवण्यात येत आहे. मात्र समोरुन येणाऱ्या ट्रॅक्टर चालकाने ही घटना निदर्शनास आणून दिल्याने याचालकाचे प्राण वाचले व सुदैवाने कुठलीही जीवित हानी झाली नाही.
Economy
food processing unit अन्न प्रक्रिया उद्योजक होण्याची सुवर्णसंधी
food processing unit सध्या कार्यरत असलेल्या सुक्ष्म अन्न प्रक्रिया उद्योगाचा विस्तार वाढविण्यासाठी त्यांना प्रोत्साहन देण्यासोबतच नविन अन्न प्रक्रिया उद्योग सुरु करण्यासाठी केंद्र शासनाने प्रधानमंत्री सुक्ष्म अन्न प्रक्रिया उद्योग योजना सुरु केली आहे. या योजनेंतर्गत उद्योग उभारण्यासाठी वैयक्तिक व गटासाठी १० लक्ष रुपये अनुदान तर कोणत्याही गट किंवा कंपनीला सामाईक पायभुत सुविधांच्या (CSC) उभारणीसाठी प्रकल्प किमतीच्या ३५ टक्के आणि जास्तित जास्त ३ कोटी पर्यंत अनुदान देण्यात येत आहे. या योजनेंतर्गत जिल्ह्यात आतापर्यंत १७५ लाभर्थ्यांना ५ कोटी रुपये कर्ज मंजुर करण्यात आले असुन काही उद्योगही उत्तम प्रकारे सुरु झाले आहेत.
वैयक्तिक सुक्ष्म अन्न प्रक्रिया उद्योग
वैयक्तिक मालकी भागीदारी, शेतकरी उत्पादक संस्था, स्वयंसहायता गट, अशासकीय संस्था, सहकारी संस्था, खासगी कंपनी, यांना एकूण प्रकल्प किमतीच्या ३५ टक्के आणि जास्तीत जास्त १० लाखांपर्यंत अनुदानाचा लाभ देण्यात येतो.
सुक्ष्म अन्न प्रक्रिया गट उद्योगाना लाभ (सामाईक पायाभुत सुविधा)
शेतकरी उत्पादक संस्था, शेतकरी उत्पादक कंपनी, सहकारी संस्था, स्वयंसहायता गट आणि त्यांचे फेडरेशन, शासकीय संस्थांना प्रकल्प किमतीच्या ३५ टक्के आणि जास्तीत जास्त तीन कोटींपर्यंत अनुदानाचा लाभ देण्यात येतो.
मार्केटींग व ब्रॅंडिंग यासाठी पात्र प्रकल्प खर्चाच्या ५० टक्के, कमाल आर्थिक मर्यादा केंद्र शासनाकडून विहित करण्यात आलेली आहे.
बीज भांडवलग्रामीण व शहरी भागातील सूक्ष्म अन्न प्रक्रिया उद्योगातील स्वयंसहायता गटातील सदस्य, गट, त्यांचे फेडरेशन यांना लहान मशिनरी खरेदी करण्यासाठी व खेड ते भांडवल म्हणून प्रत्येक सदस्य कमाल चाळीस हजार रुपये व स्वयंसहाय्यता गटाला कमाल चार लाख रुपये देण्यात येते.
काय आहे योजनेचा उद्देश?
अन्न प्रक्रिया उद्योगाच्या पतमर्यादा वाढवून उत्पादनांचे ब्रॅंडिंग व विपणन अधिक बळकट करून संघटित साखळीशी जोडणे, सामाईक प्रक्रियासुविधा, प्रयोगशाळा, साठवणूक, पॅकेजिंग, विपणन तसेच उद्योग वाढीसाठीच्या सर्वकष सेवांचा सूक्ष्मउद्योगांना अधिक लाभ मिळवून देणे हेप्रधानमंत्री सूक्ष्म अन्न प्रक्रिया उद्योग योजनेचा उद्देश आहे.
कोठे संपर्क करावा
केंद्र शासन पुरस्कृत प्रधानमंत्री सूक्ष्म अन्न प्रक्रिया उद्योग योजनेचा लाभ घेण्यासाठीइच्छुकांनी केंद्र शासनाच्या https://pmfme.mofpi.gov.in या संकेतस्थळावर अर्ज करावा. तसेच अधिक माहितीसाठी जवळील कृषी विभागाच्या कार्यालयांशी संपर्क साधता येईल.
कोणते अन्नप्रक्रिया उद्योग
दूध प्रक्रिया : खवा, बर्फी, पेढे, श्रीखंड, आम्रखंड, पनीर, ताक, दही, तूप,
लस्सी.
■ मसाले प्रक्रिया : चटणी मसाला, कांदा-लसूण मसाला, मालवणी मसाला,मटण-चिकन मसाला, गोडा मसाला, शेंगदाणा चटणी, खोबरे चटणी, कारल्याची चटणी, जवसाची चटणी.
■ पालेभाज्या व फळे प्रक्रिया : आंबा, सिताफळ, पेरु, सफरचंद, आवळा,मोसंबी, लिंबू, चिंच, बोर, जांभूळ इत्यादीपासून प्रक्रिया उद्योग, जाम, जेली,
आईस्क्रीम, रबडी, काजू, बदाम, पिस्ता, बेदाणा, ड्रायफ्रूट इत्यादी रेडी टू इट
प्रक्रिया अंतर्गत येणारे सर्व खाद्यपदार्थ पॅकिंग ब्रॅंडिंगसह सर्व प्रकारची फळे तसेच सर्व प्रकारच्या पालेभाज्या प्रक्रिया उद्योग यात येतात.
■ तेलघाणा प्रक्रिया : शेंगदाणा, सोयाबीन, सूर्यफूल, तीळ, बदाम व सर्व
प्रकारची तेल उत्पादने.
■ पावडर उत्पादन प्रक्रिया: काश्मिरी मिरची, लवंगी मिरची, स्पेशल मिक्स,
ज्वारी, गहू, मिरची, धना, जिरे, गूळ, हळद.
■ पशुखाद्य निर्मिती : मक्का चुनी, गहू आटा, सरकी पेंड, गोळी पेंड, भरड धान्य
इत्यादी.
■ कडधान्य प्रक्रिया : हरभरा व इतर डाळी (पॉलिश करणे), बेसन तयार करणे
इत्यादी.
■ राईस मिल : चिरमुरे, तांदूळ, पोहा प्रक्रिया इत्यादी.
■ बेकरी उत्पादन प्रक्रिया: बिस्कीट, खपली गहू बिस्कीट, मैदा बिस्कीट,नानकटाई, क्रीमरोल, म्हैसूर पाक, केक, बर्फी, खारी, टोस्ट, ब्रेड, बनपाव, शेव, फरसाण, चिवडा, भडंग, केळी चिप्स, बटाटा चिप्स, फुटाणे, चुरमुरे.
